MK: Grannauppgerð

09-01-2010

Eftir tríggjar vikur jólaferiu fer flogbólturin aftur á flog. Sunnudagin 10. januar kl. 15.00 fáa vit vitjan av grannunum Dráttur. Seinast liðini møttust vunnu vit ein tryggan 3-0 sigur, men síðan tá hevur Dráttur styrkt sær um hópin við Maju Popuvic, sum áður hevur leikt við TB og ÍF. Vit liggja á 1. plássi og Dráttur á 5. plássi, men bert 2 stig aftanfyri TB, ið liggur nummar tvey. So vónandi fáa vit ein spennandi dyst.

Kostnaður til dystin er 30 kr.
Kaffi og køkur vera til keyps.

Vit vanta nógvar áskoðarar, og til tykkum sum hava børn við, vinarliga ansið eftir at tey ikki renna runt í høllini tí tað órógvar nógv.